أعلن حازم إمام، رحيله رسميًا عن منصبه كعضو في لجنة التخطيط بنادي الزمالك، وذلك بعد تعيين جون إدوارد مديرًا رياضيًا للنادي، وهو ما يعني – وفقًا لما أكده – انتهاء دور اللجنة بشكل كامل.
وقال حازم إمام خلال تصريحات إذاعية: “لم نعد متواجدين، ولا يوجد شيء اسمه لجنة تخطيط حاليًا، وده أمر معروف من البداية، لأن بمجرد تعيين مدير رياضي، ينتهي دورنا تلقائيًا، وده اللي قلناه من زمان”.
وأضاف: “الموضوع ماكنش منظم بالشكل اللي الناس متخيلاه، وفي حاجة مش مضايقاني بس مش مريحاني، وهي إن الناس بتختصر ظهوري أو كلامي دايمًا في إني عضو لجنة تخطيط، كأني بتكلم من داخل الزمالك، وده مش صحيح”.
وتابع: “الموضوع انتهى تمامًا، لا أنا موجود ولا عمرو الجنايني، وميدو كمان كتب بنفسه عن رحيله. بنتمنى التوفيق الكامل لمجلس الإدارة ولجون إدوارد، وإذا احتاجوا أي رأي استشاري في المستقبل فأكيد هنكون مرحبين”.
واختتم حازم إمام حديثه قائلًا: “في ناس بتكلمني تقولي كلّم جون في لاعب معين، لكن والله هو المسؤول عن كل شيء، وإحنا مش طرف في أي حاجة. حتى المدرب الجديد أنا معرفتش عنه أي حاجة، والمجلس برئاسة كابتن حسين لبيب هو اللي تولى كل التفاصيل.
