أعلن النجم محمد رمضان، عن دخول أغنيته “أنا أنت” بشكل رسمي، منافسات المرحلة الأولى لجوائز الجرامي العالمية، مشيرًا إلى قوة جمهوره الداعم له.
وشارك رمضان متابعيه عبر حساباته الرسمية على السوشيال ميديا، صورة ترشيحه للجوائز، وكتب : “الحمد لله دخول اسمي رسميًا في المرحلة الأولى لجوائز جرامي بأغنية ( أنا أنت ) .. يعرف العالم قوة جمهوري بتوصل لفين”.
وتابع : “الليلة التصفيات الأولى للمرشحين ..ثقة في الله أول جرامي هتوصل مصر .. وسايبلكم الأكونت بتاعهم”.
ومن ناحية أخرى، شارك النجم محمد رمضان مؤخرًا متابعيه عبر إنستجرام، فيديو لتوثيق تحضيراته لحفله المقبل على مسرح مادسون سكوير في أمريكا، معربًا عن سعادته للإقبال الجماهيري الكبير على الحفل.
وكتب رمضان : “الفيديو ده لما اتعمل .. قولت لفريقي ثقة في الله هنزله لما جمهوري يكون اشتري 75٪ من تذاكر حفلة مادسون سكوير جاردن .. وكنت متوقع أنزل الفيديو ده في شهر ديسمبر قبل الحفلة بشهر”.
وأضاف : “لكن الحمد لله ثقتي في ربنا دايمًا بتقصر المسافات .. وماكدبتش لما قولت ( أنا جمهوري واقف في ضهري ) .. والله مبرووك مش ليا مبروووك لجمهوري اللي قدر يعرف الأمريكان قوته و وضعه ع الكوكب”.
وواصل : “جمهوري اللي قدر بعد ربنا يوصل فنان مصري بيغني بالعربي إلى أشهر مسرح في العالم .. ويخلي الشرطة الامريكية اللي تنظمله دخول الحفلة .. الحمد لله وبإذن الله طول ما أنتم في ضهري .. هنخلي العالم يتكلم عربي”.
واختتم محمد رمضان : “مكتوب في عقدي معاهم إن لو التذاكر خلصت قبل 30 أكتوبر ينقلونا أكبر أرينا .. زينا زي أكبر نجم عندهم .. ثقة في الله قدها”.
